ურთიერთთანამაშრომლობის მემორანდუმი

თარიღი: 24 ივლისი 2020

საქსტატსა და საქართველოს გარემოს დაცვისა და სოფლის მეურნეობის სამინისტროს შორის თანამშრომლობის მემორანდუმი გაფორმდა. ორმხრივ დოკუმენტს ხელი უწყების ხელმძღვანელებმა მოაწერეს და მომავალ თანამშრომლობაზე შეთანხმდნენ.

საქსტატის აღმასრულებელი დირექტორის, გოგიტა თოდრაძის განცხადებით, ძალიან მნიშვნელოვანია მსგავსი სახის თანამშრომლობა. მისი თქმით, თემატური ჯგუფების წევრების მონაწილეობით გამართული სამუშაო შეხვედრები ხელს შეუწყობს, როგორც ოფიციალური სტატისტიკის წარმოებას, ისე გადაწყვეტილების მიმღები პირებისთვის საჭირო და ობიექტური სტატისტიკური ინფორმაციით უზრუნველყოფის პროცესს. 

ორ უწყებას შორის თანამშრომლობის მნიშვნელობაზე ისაუბრა საქართველოს გარემოს დაცვისა და სოფლის მეურნეობის მინისტრმაც. ლევან დავითაშვილის თქმით, სამინისტრო თავისი კომპეტენციის ფარგლებში საქსტატს შესაბამის დახმარებას აღმოუჩენს რეგიონებიდან ინფორმაციის მოპოვებასა და მიღების ორგანიზებაში. მინისტრის განცხადებით, საიმედო და ზუსტი სტატისტიკური მონაცემები მნიშვნელოვანია გარემოსდაცვითი და სოფლის მეურნეობის მიმართულებით სწორი პოლიტიკის შემუშავებისთვის.
 

წელი